لاہور (آئی اےن پی) اداکارہ ریشم نے کہا ہے کہ جس طرح میر صادق اور میر جعفر جیسے لوگوں نے غداری کر کے مسلمانوں کو نا قابل نقصان پہنچایا تھا بالکل اسی طرح فلم انڈسٹری میں بھی ایسے لوگوں نے اسے تباہی کے دہانے پرپہنچا دیا ہے ۔ایک انٹر ویو میں ریشم نے کہا کہ اگر فلم انڈسٹری کے بڑے آج بھی آپس میں اتفاق کر لیں تو ہم نہ صرف اپنے پاﺅں پر کھڑے ہو سکتے ہیں بلکہ انڈسٹری دوبارہ عروج بھی حاصل کر سکتی ہے ۔انہوں نے کہا کہ آج اتحاد و یگانگہت کی جتنی ضرورت ہے پہلے کبھی نہ تھی اور اگریہ وقت بھی ہاتھ سے چلا گیا تو پھر پچھتاوے کے سوا کچھ نہیں بچے گا ۔ ریشم نے کہا کہ فلم انڈسٹری نے مجھے پہچان دی ہے اگر مجھے اچھے اچھے کردار کی پیشکش ہو گی تو میںفلموں میں ضرور کام کرونگی ۔