لاہور (این این آئی) پنجاب جمناسٹک ایسوسی ایشن کے زیراہتمام ”پنجاب جمناسٹک چیمپئن شپ“ آج 20 اگست کو صبح 10 بجے سے شام 6 بجے تک گورنمنٹ کالج یونیورسٹی کے سپورٹس ہال لاہور میں ہو گی جس میں ایسوسی ایشن سے ملحقہ ضلعی ایسوسی ایشنز بہاولپور‘ ڈی جی خان‘ مظفر گڑھ‘ ملتان‘ اوکاڑہ‘ شیخوپورہ‘ گوجرانوالہ اور فیصل آباد کی ٹیموں کو شرکت کی دعوت دی گئی ہے۔ ہر ٹیم 5 کھلاڑیوں اور ٹیم منیجر پر مشتمل ہوگی اور6 ایونٹ کے مقابلوں میں حصہ لے گی۔ ان مقابلوں کے پوزیشن ہولڈرز میں ٹرافیاں‘ انعامات اور سرٹیفکیٹس تقسیم کئے جائیں گے۔