لندن (بی بی سی) عالمی امدادی ادارے سیو دی چلڈرن کی سربراہ کیرولین مائلز نے بی بی سی کو خصوصی انٹرویو میں بتایا کہ ڈاکٹر شکیل آفریدی کبھی بھی ادارے کے ملازم نہیں رہے البتہ انہوں نے سیو دی چلڈرن سے اپنے کام کی تربیت حاصل کی تھی۔ کیرولین مائلز نے اعتراف کیا کہ اس برے تجربے کے بعد غیرملکی اداروں کو اپنے ملازمین کی تفصیلی جانچ پڑتال کرنی چاہئے اور سیو دی چلڈرن پاکستان میں اپنے تمام عملے کی جانچ پڑتال کر رہا ہے تاکہ آئندہ کسی ناخوشگوار تجربے سے بچا جا سکے۔