بدھ کی شام ایوان بالا میں کم وبیش دو گھنٹے تک بلیو ایریا  اسلام آباد میں  پیش آنے والے واقعہ  پر اپوزیشن کی طرف سے کی جانے والی تنقید کا بھرپور جواب دے کر  ایک بار پھر اپنی قائدانہ صلاحیتوں کا لوہا منوا لیا۔ گزشتہ روز   رضا ربانی نے اپنے جوہر خطابت دکھائے تھے اور چوہدری نثار علی خان کو تختہء مشق بنایا تھا،  بدھ کو قائد حزب اختلاف چوہدری نثار علی خان نے جہاں ایک وکیل کی حیثیت سے زمرد خان کے اقدام کو درست قرار دینے اور انہیں ہیرو ثابت کرنے کے اپنا زور لگایا وہاں انہوں نے  یہ نظم بھی پڑھی  ساری دنیا پوچھ رہی ہے اب تم ساتھ ہو، انہوں نے میاں رضا ربانی اور چوہدری اعتزاز احسن کو آڑے ہاتھوں لیا اور پھر ڈیڑھ گھنٹے تک پیپلز پارٹی اور جنرل مشرف کے ساتھیوں پر برستے رہے ان کی تقریر کے دوران ایوان میں سناٹا طاری رہا۔