لاہور (آئی اےن پی) گلوکارہ شازیہ خشک نے کہا کہ ہمیں اپنی موسیقی کو ترقی دینے اور اسے عام لوگوں میں مقبول بنانے کے لیے ازسرنو محنت کرنا ہو گی‘ پاکستانی گلوکاروں کی طرف سے پیش کئے جانےوالے صوفیانہ کلام کو پوری دنیا میں پسند کیا جاتا ہے۔ بدقسمتی سے ہمارے ملک میں میوزک انڈسٹری مشکلات سے گزر رہی ہے لیکن اس پر اس طرح توجہ نہیں دی جا رہی جس طرح کی ضرورت ہے جو گلوکار تسلسل سے میوزک البم بناتے تھے اب وہ نقصان کے خدشے سے دوچار ہو کر محتاط ہو گئے ہیں اور کئی کئی سال تک اس طرف کا رخ نہیں کیا جاتا۔