کراچی (این این آئی) لالی ووڈ اور بالی ووڈ میں معروف اداکارہ سارہ لورین نے کہا ہے کہ پاکستانی سینما انڈسٹری سے ابھی تک کسی فلم کی آفر نہیں ہے میں ابھی بالی ووڈ انڈسٹری میں کام کر رہی ہوں لیکن میرے لئے سب سے پہلے پاکستان ہے جب بھی کسی بھی اچھی اور معیاری پاکستانی فلم میں کام کا موقع ملا تو انکار نہیں کروں گی۔ ان خیالات کا اظہار انہوں نے میڈیا سے گفتگو کرتے ہوئے کیا۔ انہوں نے کہا کہ میرے بارے میں غلط تاثر پیدا کیا جا رہا ہے کہ میں نے پلاسٹک سرجری کروائی ہے اس میں کوئی حقیقت نہیں ہے میں اور شوبز میں یہ تو عام بات ہے اگر کوئی فنکار یا فنکارہ پلاسٹک سرجری کروا بھی لے تو اس میں کوئی قباحت نہیں۔ انہوں نے کہا کہ میں اب اپنی عمر کے اس حصے میں ابھی نہیں پہنچی ہوں کہ مجھ کو پلاسٹک سرجری کی ضرورت پڑے۔