لاہور (سپورٹس رپورٹر) اسجد اقبال نے عالمی چیمپئن محمد آصف کو شکست دے کر قومی رینکنگ سنوکر چیمپئن شپ جیت لی۔ انہوں نے 7 کے مقابلے میں 8 فریم سے کامیابی حاصل کی۔ کراچی میں ہونے والے فائنل میں دفاعی چیمپئن اسجد اقبال اور ورلڈ چیمپئن محمد آصف کے درمیان دلچسپ مقابلہ ہوا۔ کبھی اسجد آگے نکل جاتے تو کبھی برتری محمد آصف کو حاصل ہو جاتی۔ بیسٹ آف 15 کا فائنل ایک موقع پر پانچ پانچ فریم سے برابر ہو گیا تھا پھر سات سات فریم سے بھی مقابلہ برابر ہو گیا۔ فیصلہ کن فریم میں اسجد اقبال نے کامیابی حاصل کرکے ٹائٹل کے اعزاز کا دفاع کیا۔