اسلام آباد (نمائندہ خصوصی) مشترکہ مفادات کونسل سے منظور شدہ بھاشا ڈیم کی بجائے واسو ڈیم کو ترجیح دی جا رہی ہے جس میں پانی جمع کرنے کی گنجائش نہیں اس سے زراعت تباہ ہو گی۔ ان خیالات کا اظہار تحریک انصاف کے ڈپٹی پارلیمانی لیڈر شاہ محمود قریشی، عوامی مسلم لیگ کے سربراہ شیخ رشید احمد اور ایاز سومرو نے قومی اسمبلی میں صدر کے مشترکہ خطاب پر بحث کرتے ہوئے کیا۔ شاہ محمود قریشی نے کہا صدر زرداری کا 5 سالہ دور ناکامیوں سے عبارت ہے۔ ایاز سومرو نے کہا کالا باع ڈیم سندھیوں کی لاشوں پر ہی بن سکتا ہے۔ شیخ رشید نے کہا یہ اسمبلیاں غریبوں کیلئے نہیں بنیں۔