نئی دہلی(اے این این) بھارت نے اپنا پہلا دفاعی سیٹلائٹ خلاءمیں بھیج دیا ۔ یہ دفاعی مواصلاتی سیٹلائٹ فرنچ گینی اسپیس سنٹر سے آریان راکٹ کے ذریعے خلا میں بھیجا گیا جسے ہندوستان کے خلائی تحقیقاتی ادارے ایسرو نے بنایا ہے۔ ہندوستانی ذرائع کے مطابق اس سیٹلائٹ سے ہندوستان کی بحری سکیورٹی اور بحری انٹلجنس میں کافی بہتری آئے گی۔ یہ سیٹلائٹ ہندوستانی بحریہ کے مقاصد کے لئے بنایا گیا ہے اور یہ ہندوستانی فوج کا پہلا مواصلاتی سیارچہ ہے۔