بنکاک (اے پی پی) بسینگ سم سکس ریڈ ورلڈ سنوکر چیمپئن شپ کا آغاز (آج) پیر سے تھائی لینڈ کے دارلحکومت بینکاک میں ہو گا۔ پاکستان کے سٹار کیوئسٹ اور عالمی چیمپئن محمد آصف تھائی کیوئسٹ کے خلاف مہم کا آغاز کریں گے۔ 7 ستمبر تک جاری رہنے والے ایونٹ میں دنیا بھر سے 48 ٹاپ کیوئسٹس ٹائٹل کے حصول کےلئے ایکشن میں دکھائی دیں گے، کیوئسٹ کو آٹھ مختلف گروپس میں رکھا گیا ہے، ایونٹ میں شرکت کیلئے پاکستان کے ٹاپ کیوئسٹ محمد آصف اور محمد ماجد علی بینکاک پہنچ گئے ہیں، محمد ماجد علی کو ایونٹ میں گروپ ایف اور محمد آصف کو گروپ ایچ میں رکھا گیا ہے۔ محمد آصف ابتدائی راﺅنڈ میں تھائی کیوئسٹ رتچاپول کے مدمقابل ہوں گے۔ ہر گروپ سے ٹاپ چار کیوئسٹ آخری 32 کھلاڑیوں میں جگہ بنا لیں گے۔