لاہور(سپورٹس رپورٹر) رائل پام کنٹری گالف کلب میں منعقد ہونے والے ماہانہ گالف مقابلہ محسن ظفر نے جیت لیا۔ 18 ہولز پر مشتمل ایک روزہ مقابلہ میں عباس علی خان، خالد جمیل، سردار مراد اور محسن ظفر نے شاندار کھیل کا مظاہرہ کیا۔ محسن ظفر نے گراس میں 74 پوائنٹس کے ساتھ پہلی پوزیشن اپنے نام کی۔ جو مستقبل میں منعقد ہونے والی پنجاب امیچور اور نیشنل گالف چیمپیئن شپ کے لیے مددگار ثابت ہوگی۔ نیٹ کیٹگری میں معین صلاح الدین نے پہلی اور فیصل اقبال نے دوسری پوزیشن حاصل کی۔ 13 سے 18 ہینڈی کیپ رکھنے والے گالفرز میں نصیر اختر نے گراس میں پہلی اور وقار بٹ نے دوسری جبکہ نیٹ کیٹگری میں رضوان شفیع نے پہلی اور فرید ملک نے دوسری پوزیشن اپنے نام کی۔ مقابلے کے اختتام پر رائل پام گالف کلب کے نائب کپتان سردار مراد نے کامیاب گالفرز میں انعامات تقسیم کیے۔