فیصل آباد: مدرسہ کی دیوار گر گئی، 2 طالبعلم ملبے تلے دب کر جاں بحق
فیصل آباد (نمائندہ خصوصی) محلہ اعظم آباد میں مدرسہ کی دیوار گرنے سے 2 طالبعلم ملبے تلے دب کر جاں بحق ہوگئے جبکہ ورثاء نے انتظامیہ کیخلاف احتجاجی مظاہرہ کیا۔ محلہ اعظم آباد گلی نمبر 6 میں واقع مولوی غلام رسول کے مدرسہ کی دیوار خستہ خالی کے باعث زمین بوس ہوگئی جس کے نتیجہ میں ملبے تلے دب کر 2 طالبعلم شدید زخمی ہوگئے جنہیں زخمی حالت میں الائیڈہسپتال منتقل کردیا گیا لیکن دونوں طالب علم جان کی بازی ہار گئے جبکہ ورثاء نے مدرسہ انتظامیہ کی مبینہ غفلت کے باعث دیوار گرنے سے بچوں کی ہلاکت کے خلاف شدید احتجاجی مظاہرہ کیا اور مظاہرین نے مدرسہ میں شدید توڑ پھوڑ شروع کردی۔ پولیس کی بھاری نفری نے موقع پر پہنچ کر مشتعل افراد کو کنٹرول اور اعلیٰ افسران نے مظاہرین کے ساتھ مذاکرات کرکے ذمہ داران کی گرفتاری کی یقین دہانی کروائی۔
فیصل آباد: محلہ اعظم آباد میں مدرسے کی دیوار گرنے سے 2 طالب علم ہلاک ہو گئے، مدرسے کے باہر سینکڑوں افراد جمع ہیں
