صدر زرداری سے فضائیہ کے سربراہ، وزیراعلیٰ گلگت بلتستان اور یورپی سفیر کی ملاقاتیں
اسلام آباد (سپیشل رپورٹ) گلگت و بلتستان کے وزیراعلیٰ سید مہدی علی شاہ اور ان کی کابینہ کے بعض ارکان نے گزشتہ روز ایوان صدر میں صدر زرداری سے ملاقات کی اور انہیں گلگت و بلتستان میں ترقیاتی کاموں سمیت اہم امور کے بارے میں بریفنگ دی۔ پاک فضائیہ کے سربراہ ایئر چیف مارشل طاہر رفیق بٹ نے بھی گزشتہ روز صدر زرداری سے ملاقات کی اور پاک فضائیہ کے پیشہ ورانہ امور پر تبادلہ خیال کیا۔ علاوہ ازیں پاکستان میں یورپی یونین کے سفیر ویگے سارک نے بھی صدر سے الوداعی ملاقات کی۔
