چکوال (نامہ نگار) پاکستان ائرفورس کا تربیتی طیارہ کھائی ڈیم کے قریب گر کر تباہ ہو گیا۔ ریموٹ کنٹرول طیاہ پی اے ایف بیس مرید سے اڑا اور کھائی گاﺅں کے قریب دوران پرواز اس میں فنی خرابی پیدا ہو گئی جس سے طیارے میں آگ لگ گئی اور وہ دیکھتے ہی دیکھتے گر کر تباہ ہو گیا۔ طیارہ آبادی سے دور گرنے کی وجہ سے کوئی جانی نقصان نہیں ہوا۔ اطلاع ملتے ہی پی اے ایف کے اعلیٰ افسران اور پولیس کی نفری موقع پر پہنچے، پی اے ایف کے حکام کی ہدایات پر تباہ شدہ طیارے کا ملبہ اکٹھا کر کے مرید ائربیس منتقل کر دیا گیا۔ پی اے ایف ذرائع کے مطابق کسی بھی جانی نقصان کی اطلاع نہیں ملی۔