بینکاک (اے پی پی) پاکستان کے سٹار کیوئسٹ اور عالمی چیمپئن محمد آصف سینگ سم سکس ریڈ ورلڈ سنوکر چیمپئن شپ میں متواتر ناکامیوں کے شکنجے میں پھس گئے، تیسرے گروپ میچ میں بری ہاکنز کے ہاتھوں شکست کا سامنا کرنا پڑا۔ تھائی لینڈ کے دارا الحکومت بینکاک میں جاری ایونٹ میں منگل کے روز کھیلے گئے گروپ ایچ کے تیسرے گروپ میچ میں محمد آصف کا مقابلہ حریف انگلش کیوئسٹ بر ہاکنز سے تھا۔ بری ہاکنز نے انتہائی شاندار کارکردگی کا مظاہرہ کرتے ہوئے آصف کو 2 کے مقابلے میں 5 فریمز سے شکست دی۔ یہ آصف کی ایونٹ میں مسلسل تیسری شکست ہے۔