لاہور(سپورٹس رپورٹر) بھارت میں 17ستمبر سے شروع ہونے والی کرکٹ چیمپیئنز لیگ کے کوالیفائنگ میچز کے مقامات کو سیکورٹی وجوہات کی بنا پر تبدیل کردیا گیا۔ آندھرہ پردیش حکومت نے بھارتی کرکٹ بورڈ کے نام خط میں ہندووں کے مذہبی میلے کے باعث سیکورٹی مسائل کے باعث چیمپینز لیگ کے میچ حیدر آباد میں کرانے سے معذرت کرلی۔ فیصل آباد وولفز کی ٹیم 18 ,17اور 20ستمبر کو کوالیفائنگ میچ حیدر آباد کی بجائے موہالی میں کھیلے گی۔