سابق اولمپئن عمران یوسف عرفان یوسف کے والد کا انتقال
لاہور (سپورٹس رپورٹر) سابق اولمپئن عمران یوسف اور عرفان یوسف کے والد چوہدری یوسف خان گذشتہ روز شیخوپورہ میں مختصر علالت کے بعد انتقال کر گئے۔ مرحوم کا جنازہ آج بعد نماز ظہر رہائشگاہ جمیل ٹاؤن سے اٹھایا جائے گا۔ پاکستان ہاکی فیڈریشن کے صدر قاسم ضیائ، سیکرٹری پی ایچ ایف آصف باجوہ، پاکستان ہاکی ٹیم کے کوچ اختر رسول، پنجاب ہاکی کے سیکرٹری رانا مجاہد، محمد اخلاق، انجم سعید، دانش کلیم، ایم عثمان، پاکستان اولمپک ایسوسی ایشن کے صدر لیفٹیننٹ جنرل (ر) عارف حسن، سیکرٹری خالد محمود نے عمران یوسف اور عرفان یوسف کے والد کے انتقال پر گہرے دکھ و افسوس کا اظہار کیا ہے۔
