لاہور (اے پی پی) آج 7ستمبر بروزہفتہ کو ملک بھر میں48 واں یوم فضائیہ ملی جوش و جذبے سے بھر پور طریقے سے منایا جائیگا جبکہ اس سلسلہ میں رفیقی ایئر بیس سمیت تمام ایئر بیسز پر خصوصی تقریبات منعقد کی جائیںگی۔یوم فضائیہ 6 ستمبر 1965ءکی جنگ میں پاک فضائیہ کی شاندار کارکردگی کی یاد میں منایا جاتاہے جب بزدل بھارتی افواج نے اچانک پاکستان پر حملہ کر دیا۔ ا س موقع پر پاک فضائیہ نے پاک افواج کے شانہ بشانہ وطن عزیز کی جغرافیائی سرحدوں کی حفاظت کو یقینی بناتے ہوئے دشمن کی فضائی طاقت کو نیست و نابود کر دیا۔ یوم فضائیہ پاکستان کے موقع پر مختلف شہروں میں خصوصی تقریبات منعقد کی جائیں گی اور قرآن خوانی کا بھی اہتمام کیا جائیگا۔