لاہور( کلچرل رپورٹر)ہدایتکار فدا حسین کی فلم ” سوارنگی “ مکمل ہو گئی جسے آئندہ ایک دو روز میں سنسر کے لئے پیش کر دیا جائےگا ، ریشم سات سال کے طویل وقفے کے بعد کسی فلم میں مرکزی کردار نبھارہی ہیں ۔ فلم کی کاسٹ میں ریشم ‘ نوید اکبر‘ وسیم منظور‘ ایوب کھوسہ‘ حمزہ مشتاق اور شازیب جوہر سمیت دیگر اداکار ی کر رہے ہیں۔ فلم کی کہانی ایک غریب خاندان کے گرد گھومتی ہے جبکہ اسکی تمام تر شوٹنگ دیہی اور پہاڑی علاقوں میں کی گئی ہے ۔ فلم کے پروڈیوسر مظہر عباس‘ ڈائریکٹر فدا حسین اور اسکی کہانی بھی فدا حسین نے تحریر کی ہے۔