لاہور (این این آئی) چوہنگ کے علاقہ میں موٹروے پر بھینس کے آجانے سے اسلام آباد سے لاہور جانے والی درجنوں گاڑیاں آپس میں ٹکر ا گئیں جس سے متعدد افراد زخمی ہو گئے‘ معروف گروپ کے ڈائریکٹر کی پجارو مکمل طور پر تباہ ہو گئی جبکہ ان کی حالت بھی نازک بتائی جاتی ہے۔ جمعہ کے روز معروف گروپ کے ڈائریکٹر رضوان اعجاز اسلام آباد سے لاہور اپنی پراڈو پر آرہے تھے کہ اچانک موٹروے پر ان کی گاڑی کے سامنے بھینس آگئی اور انہوںنے ایمرجنسی بریک لگائی جس سے ان کی گاڑی کے پیچھے آنی والی درجنوں گاڑیاں آپس میں ٹکر اگئیں اور رضوان اعجازکی پراڈو مکمل طور پر تباہ ہو گئی اور وہ شدید زخمی ہو گئے جنہیں شدید زخمی حالت میں مقامی ہسپتال میں داخل کروا دیا گیا۔ حادثے میں دیگر کئی افراد زخمی ہو گئے اور گاڑیاں بھی تباہ ہو گئیں۔ بتایا گیا ہے کہ ڈائریکٹر نے زخمی ہونے پر عدالت سے رجوع کرنے کا اعلان کر دیا ہے۔