لاہور (سپورٹس رپورٹر) 15 واں عامر حیات روکھڑی آل پاکستان رینکنگ بیڈمنٹن ٹورنامنٹ 2013ءلاہور میں شروع ہو گیا۔ سپورٹس بورڈ پنجاب کے ڈائریکٹر جلیل چوہان اور پاکستان بیڈمنٹن فیڈریشن کے سینئر نائب صدر نقی محسن ٹورنامنٹ کی افتتاحی تقریب کے مہمان خصوصی تھے۔ ٹیم ایونٹ میں مینز اور ویمنز کے سیمی فائنل اور فائنل مقابلے آج ہونگے۔ گذشتہ روز مینز کے پری کوارٹر فائنل میں کے آر ایل نے پی ایم اے ڈی کو 3-0 سے، فاٹا نے پی ٹی سی ایل کو 3-1 سے جبکہ اے جے کے نے پولیس کی ٹیم کو تین صفر سے مات دی۔ ویمنز کے کوارٹر فائنل میں سندھ نے فاٹا کے خلاف تین صفر سے کامیابی حاصل کی۔ انفرادی مقابلوں کا آغاز 11 ستمبر سے ہوگا۔