بیجنگ (این این آئی) بیڈمنٹن ورلڈ فیڈریشن کے زیراہتمام چائنہ ماسٹرز بیڈمنٹن ٹورنامنٹ آج منگل سے چین میں شروع ہوگا جس میں دنیائے بیڈمنٹن کے نامور کھلاڑی ایکشن میں نظر آئیں گے۔ ٹورنامنٹ انتظامیہ کے مطابق بھارت کی بیڈمنٹن سٹار ثانیہ نہوال اور پی وی سندھو آئندہ ماہ شیڈول چائنہ ماسٹرز سپر سیریز میں شرکت نہیں کریں گے۔ ایونٹ 10 سے 15 ستمبر تک کھیلا جائے گا۔ انڈین بیڈمنٹن ایسوسی ایشن کے حکام کے مطابق وہ ثانیہ نہوال اور سندھ کو آرام کی غرض سے چین نہیں بھیج رہے اور اس عرصے کے دوران دونوں کھلاڑی جاپان اوپن سپر سیریز کی تیاری کریں گے۔ انہوں نے کہا کہ جو کھلاڑی چین جا رہے ہیں وہ اپنے اخراجات خود برداشت کریں گے اس میں ایسوسی ایشن کا کوئی عمل دخل نہیں ہو گا۔