ممنون حسین کا ایوان صدر آمد پر پرتپاک استقبال‘ پاک فوج کے چاق و چوبند دستے نے گارڈ آف آنر پیش کیا
اسلام آباد (آن لائن) ایوان صدر میں نومنتخب صدر ممنون حسین کی آمد پر ان کا پرتپاک استقبال کرتے ہوئے انہیں گارڈ آف آنر پیش کیا گیا۔ تفصیلات کے مطابق صدر ملک کے بارہویں اور نومنتخب صدر ممنون حسین جب منگل کے روز ایوان صدر پہنچے تو پاک فوج کے چاق و چوبند دستے نے صدر مملکت کو سلامی پیش کی جبکہ نومنتخب صدر نے اس دوران گارڈ آف آنر کا معائنہ بھی کیا جس کے بعد ممنون حسین سے ایوان صدر کے عملے کا فرداً فرداً تعارف کرایا گیا۔ واضح رہے کہ گذشتہ روز ممنون حسین نے ملک کے بارہویں صدر کا حلف چیف جسٹس افتخار محمد چوہدری سے لیا تھا۔
