لاہور(نامہ نگار) نشتر کالونی کے علاقہ کماہاں روڈ پر جوہڑ میں نہاتے ہوئے دو بچے ڈوب گئے۔ امدادی ٹیموں نے موقع پر پہنچ کر دونوں بچوں کی نعشیں نکال لی ہیں۔ فیکٹری ایریا کے رہائشی مشتاق کا 10 سالہ بیٹا عمیر اور فقیر کا 8 سالہ بیٹا امجد دوست تھے۔ گزشتہ روز وہ دونوں کماہاں روڈ پر واقع ایک خالی پلاٹ جو بارش کے پانی کی وجہ سے جوہڑ کی شکل اختیار کر چکا تھا اس میں نہا رہے تھے کہ دونوں ڈوب گئے۔ اطلاع ملتے ہی ریسکیو 1122 کی امدادی ٹیمیں موقع پر پہنچ گئیں اور دونوں بچوں کی نعشیں نکال کر انہیں مقامی ہسپتال لے جایا گیا جہاں ڈاکٹروں نے ان کی اموات کی تصدیق کردی نعشیں گھر پہنچنے کہرام مچ گیا۔ فضا سوگوار ہوگئی۔