لاہور (سپورٹس رپورٹر) پندرہویں آل پاکستان عامر حیات خان روکھڑی بیڈمنٹن ٹورنامنٹ کے سنگل مقابلوں میں دفاعی چیمیئن واجد علی نے کواٹر فائنل میں جگہ بنالی جبکہ پلیئرعظیم سرور نے نیشنل بنک کے مراد علی کو اپ سیٹ شکست دے کر کواٹر فائنل میں رسائی حاصل کرلی۔ نیوخان بیڈمنٹن ہال میں جاری ٹورنامنٹ گزشتہ روز واجد علی، علی مہدی، عمر ذیشان،وقاص زاہد، عرفان سعید، عظیم سرور، شبیرحسین اور حاشر بشیر نے اپنے مخالف کھلاڑیوں کو شکست دے کر کواٹر فائنل کے لئے کوالیفائی کرلیا۔ اُبھرتے ہوئے کھلاڑی عظیم سرور نے نیشنل بنک کے مراد علی کو سٹیٹ سیٹ میں 21-17 اور 21-17 سے شکست دی۔ آج بروز جمعہ کھیلے جانے والے مقابلوں میں خواتین کے سنگل، ڈبل، مردوں کے سنگل اور ڈبل کے ساتھ میکس ڈبل کے مقابلے روکھڑی ہاو¿س لارنس روڈ ہونگے۔