لاہور (این این آئی) اولمپئن نوید عالم نے کہا ہے کہ پاکستان ہاکی فیڈریشن میں چہرے بدلنے سے بہتری نہیں آئے گی بلکہ اسکے لئے سٹرکچر بدلنا ہوگا۔ رانا مجاہد جونیئر ٹیم کے آفیشل ہیں اور وہ اسے بھی ٹاپ لیول کی ٹیم نہیں بنا سکے اس لئے انکے سیکرٹری بننے سے ہاکی میں کوئی بہتری نہیں آئے گی۔ میڈیا سے گفتگو کرتے ہوئے اولمپئن نوید عالم نے کہا کہ سابق سیکرٹری آصف باجوہ کی غلط پالیسیوں کی وجہ سے ہاکی کی تاریخ میں پاکستانی ٹیم پہلی مرتبہ ورلڈ کپ کے میگا ایونٹ سے باہر ہوئی۔ صرف استعفیٰ دیکر بری الذمہ نہیں ہوا جا سکتا۔ انہوں نے مزید کہا کہ رانا مجاہد کے قومی ہاکی ٹیم کے سیکرٹری بننے سے کوئی تبدیلی نہیں آئے گی، رانا مجاہد جونیئر ٹیم کے آفیشل ہیں لیکن وہ اسے بھی ٹاپ لیول کی ٹیم نہیں بنا سکے۔