لاہور (سپورٹس رپورٹر) ایشین ہاکی فیڈریشن نے تیسرے ایشین چیمپئنز ٹرافی ہاکی ٹورنامنٹ کے شیڈول کا اعلان کر دیا ہے۔ ٹورنامنٹ 2 سے 10 نومبر تک جاپان میں کھیلا جائیگا جس میں پاکستان ٹیم اپنے اعزاز کا دفاع کرے گی۔ پاکستان ہاکی ٹیم ٹورنامنٹ میں اپنا افتتاحی میچ 2 نومبر کو اومان کے خلاف کھیلے گی۔ اس کا دوسرا میچ 3 نومبر کو چائنہ، 5 نومبر کو ملائیشیا، 7 نومبر کو روایتی حریف بھارت سے جبکہ 8 نومبر کو میزبان جاپان کی ٹیم کے خلاف ہو گا۔ فائنل سمیت تیسری سے چھٹی پوزیشن کے درجہ بندی کے میچز 10 نومبر کو کھیلے جائیں گے۔