کراچی ( آئی این پی ) رواں سال ملک بھر میں امن وامان کی خراب صورتحال کے باعث کراچی میں 124 پولیس اہلکاروں سمیت ملک بھر میں 329 پولیس اہلکاروں کو دہشت گردی کا نشانہ بنایا گیا۔ میڈیا رپورٹس کے مطابق کراچی میں 2 ڈی ایس پی، 2 انسپکٹرز، 12سب انسپکٹرز، 24 ہیڈکانسٹیبلز، 68 کانسٹیبلز سمیت 124 پولیس اہلکاروں کو شہید کیاگیا، 10 رینجرز جوان بھی دہشت گردی کا نشانہ بنے۔ ضمنی انتخابات کے موقع پر 3 فوجی جوان بھی بم دھماکے میں شہید ہوئے۔ ٹارگٹ کلنگ اور دہشت گردی کی کارروائیوں کا نشانہ بننے والوں میں پنجاب کے 16 پولیس افسر اور اہلکار بھی شامل ہیں۔ بلوچستان میں 90 جبکہ خیبر پی کے میں 86 پولیس اہلکاروں اور افسران ٹارگٹ کلنگ کا نشانہ بنے۔