سلطان آف جوہر جونیئر ہاکی ٹورنامنٹ کل سے شروع، قومی ٹیم ملائیشیا پہنچ گئی
کوالالمپور (اے پی پی) تیسرا سلطان جوہر کپ ہاکی ٹورنامنٹ کل سے ملائیشیاءکے دارلحکومت کوالالمپور میں شروع ہو گا۔ قومی ٹیم شرکت کیلئے ملائیشیا پہنچ گئی ہے۔ ٹورنامنٹ میں مختلف ممالک کی 6 ٹیمیں ٹائٹل کے حصول کے لیے پنجہ آزمائی کرینگی جن میں میزبان ملائیشیائ، پاکستان، کوریا، برطانیہ، ارجنٹائن اور بھارت کی ٹیمیں شامل ہیں۔ ٹورنامنٹ کے ابتدائی روز تین میچ کھیلے جائینگے جس کے مطابق پہلا میچ پاکستان اور کوریا کی ٹیموں کے درمیان، دوسرا میچ انگلینڈ اور بھارت کی ٹیموں کے درمیان جبکہ ابتدائی روز کا تیسرا اور آخری میچ میزبان ملائیشیاءاور ارجنٹائن کے درمیان کھیلا جائیگا۔
