لاہور (نامہ نگار)شہر کے مختلف علاقوں میں نوسر بازوں نے 5 افراد کو نشہ آور اشیاء کھلا کر بے ہوش کرنے کے بعد لوٹ لیا۔ بتایاجاتاہے کہ  نوسر بازوں نے لاری اڈا کے علاقہ میں وطن خان اور وزیرعلی، نولکھا کے علاقہ میں ریلوے سٹیشن گرائونڈ میں ایک شخص نے انور اور مقصود کو جبکہ شیراکوٹ کے علاقہ میں احتشام کونشہ آور اشیاء کھلا کر بے ہوش کرنے کے بعد لوٹ لیا۔ تمام متاثرہ افراد کو طبی امداد کیلئے ہسپتال داخل کرا دیا گیا ہے۔