آسٹریلیا، جاپان میں ہاکی ٹورنامنٹس کی تیاری کیلئے 27 کھلاڑیوں کا اعلان
لاہور (سپورٹس رپورٹر) پاکستان ہاکی فیڈریشن نے آسٹریلیا اور جاپان میں منعقد ہونے ٹورنامنٹس کی تیاری کے لئے تربیتی کیمپ کے 27 کھلاڑیوں کے ناموں کا اعلان کر دیا ہے۔ 10 سینئر کھلاڑیوں کو کیمپ میں طلب نہیں کیا گیا ہے ۔ سیکرٹری پی ایچ ایف رانا مجاہد کا کہنا ہے کہ شکیل عباسی، وقاص شریف، ایم زبیر اور عرفان سینئر کو ناقص کارکردگی پر ڈراپ کیا گیا ہے۔ سلمان اکبر، راشد محمود، ایم رضوان، فرید احمد اور حسیم خان کو بیرون ملک لیگ ہاکی کی مصروفیات کی بنا پر کیمپ میں نہیں بلایا گیا ہے۔
