سات میں سے پانچ ٹیسٹ سیریز جیتیں تو سب اچھا تھا : مصباح الحق
لاہور (بی بی سی رپورٹ) پاکستان کی کرکٹ ٹیم کے کپتان مصباح الحق کا کہنا ہے کہ ہر کھلاڑی کو اپنی کارکردگی اور فٹنس کے بارے میں جواب دہ ہونا چاہئے۔ کپتانی میںجب ٹیم نے سات میں سے پانچ ٹیسٹ سیریز جیتیں تو سب اچھا تھا لیکن اب مجھ پر دفاعی کپتان ہونے کا الزام عائد کیا جاتا ہے۔ جنوبی افریقہ میں بلے بازوں کا اعتماد جس بری طرح متاثر ہوا ٹیم اس کے اثرات سے ابھی تک نکل نہیں سکی۔ معقول سکور تک پہنچنے کےلیے ایک اننگز میں دو بلے بازوں کو لازمی بڑا سکور کرنا ہوتا ہے۔
