لاہور (سپورٹس رپورٹر) سلطان آف جوہر ہاکی ٹورنامنٹ میں پاکستان ٹیم روایتی حریف بھارت کے بعد میزبان ملائیشیا کے ہاتھوں شکست سے دوچار ہو کر فائنل کی دوڑ سے باہر ہو گئی جبکہ ملائیشیا کی ٹیم 12 پوائنٹس کے ساتھ فائنل میں پہنچ گئی۔ ملائیشیا نے پاکستان کےخلاف دو کے مقابلے چار گول سے کامیابی حاصل کی۔ بھارت نے کوریا کو چھ اکی سے ہرا کر فائنل کیلئے کوالیفائی کر لیا۔ بھارتی ٹیم نے میچ کے آغاز سے ہی حریف ٹیم پر دبا¶ جاری رکھا۔ کھیل کے ساتویں منٹ میں امیت روہداک نے گول کرکے برتری دلائی۔ نویں منٹ میں ستبیر سنگھ نے گول کرکے سکور کو ڈبل کر دیا۔ بعدازاں بھارتی ٹیم نے مزید گول کرکے پوزیشن کو مستحکم کر لیا۔ حریف ٹیم صرف ایک گول کرسکی ۔