کراچی(کامرس رپورٹر) کراچی میں پاکستان کی سب سے بڑی سالانہ عالمی تجارتی نمائش جمعہ کو بھی جاری رہی ۔ ٹریڈ ڈیولپمنٹ اتھارٹی آف پاکستان کے تحت چار روزہ نمائش دوسرے روز بھی جارہی۔غیرملکی ٹیکسٹائل، ملبوسات، آلات جراحی، چمڑے کی اشیا، کھیلوں کا سامان،انجینئرنگ مصنوعات، زرعی مصنوعات اور آرائشی اشیا سمیت بھاری مشینری اور گاڑیوں کے ساڑھے پانچ سو اسٹالز لگائے گئے عالمی تجارتی نمائش میں امریکا، بھارت، جاپان، جنوبی افریقہ، افغانستان، سعودی عرب، مصر اور بحرین سمیت دیگر ملکوں کے ایک ہزار مندوبین شریک ہیں، جہاں مختلف اشیا میں ان کی دلچسپی دیدنی ہے، شرکا نے نمائش کو نہ صرف پسندیدگی کا شرف بخشا بلکہ مزید نمائشوں کے انعقاد پر بھی زور دیا۔