اسلام آباد (آن لائن) مالی بحران سے دوچار پی آئی اے کو ایک اور دھچکا، جہازوں کی کمی کی وجہ سے 36 لوکل اور بین الاقوامی پروازیں بند کر دی گئی ہیں۔ میڈ یا رپو رٹ کے مطا بق نجکاری کے خطرے سے دوچار پی آئی اے نے جہازوں کی کمی کی وجہ سے ہفتے میں اکتیس بین الاقوامی اور پانچ لوکل پروازیں بند کر دی ہیں۔ 28پروازیں عارضی طور پر جبکہ 8 پروازیں مستقل طور پر بند کی گئی ہیں۔ ابوظہبی اور مسقط جانے والی پانچ پروازیں اور دبئی جانے والی آٹھ پروازیں عارضی طور پر بند کی گئی ہیں۔ ایمسٹرڈیم، فرینکفرٹ، قندھار اور زاہدان جانے والی دو دو پروازیں مستقل طور پر بند کر دی گئی ہیں۔ حیدر آباد جانے والی تین اور نوابشاہ کے لئے دو پروازیں بند کی گئی ہیں۔ ترجمان پی آئی اے کا کہنا ہے کہ حج آپریشن کے بعد معاملات بہتر ہوں گے۔
پی آئی اے پروازیں