گوجرانوالہ (نمائندہ خصوصی) گوجرانوالہ پولیس نے خواتین کے ساتھ لوٹ مار کرنے والی دو سگی بہنوں کو رنگے ہاتھوں گرفتار کر کے ان کے قبضے سے لوٹا ہوا سامان اور نقدی برآمد کر لی۔ وزیرآباد کے مختلف شاپنگ سینٹرز اور مارکیٹوں میں خواتین کے ساتھ لوٹ مار کرنے والا خواتین کا گروہ کافی عرصے سے متحرک ہونے کے باعث پولیس اور شہریوں کے لئے درد سر بنا ہوا تھا۔ گذشتہ روز پولیس نے سول ہسپتال میں کلثوم نامی خاتون سے ہینڈ بیگ چھینے والی علیشا اور زونیرہ کو گرفتار کر لیا۔ دونوں لڑکیاں سمبڑیال کی رہائشی اور سگی بہنیں ہیں۔