اسلام آباد (این این آئی) پاکستان باکسنگ فیڈریشن کے سیکرٹری جنرل اقبال حسین نے ورلڈ باکسنگ چیمپئن شپ کیلئے قومی ٹیم کا اعلان کردیا ہے۔ چیمپئن شپ کے 49 کے جی میں محیب باچا، 52 کے جی میں محمد وسیم، 56 کے جی میں نادر بلوچ، 60 کے جی میر بالاچ میں پاکستان کی نمائندگی کریں۔ ٹیم کے کوچز علی بخش اور محمد طارق جبکہ اقبال حسین منیجر کی حیثیت سے ٹیم کے ہمراہ ہوں گے۔ پاکستانی ٹیم 11 اکتوبر کو قازقستان روانہ ہوگی۔ قازقستان کے شہر الماتے میں 11 سے 27 اکتوبر تک ورلڈ باکسنگ چیمپئن شپ ہوگی جس میں دنیا کے 150 سے زائد ممالک کے کھلاڑی حصہ لیں گے۔ نجی ٹی وی سے گفتگو کرتے ہوئے اقبال حسین نے بتایا کہ ورلڈ چیمپئن شپ کی تیاری کیلئے لاہور میں 40 دن کا کیمپ لگایا جس میں 22 کھلاڑیوں نے شرکت کی۔