وزیر ریلوے مقررہ وقت سے 10منٹ پہلے بذریعہ ٹرین ساہیوال پہنچ گئے کون کہتا ہے ٹرینیں لیٹ ہوتی ہیں: سعد رفیق
ساہیوال (آئی این پی)وفاقی وزیر ریلوے خواجہ سعد رفیق نے کہا ہے کہ کون کہتا ہے کہ ٹرینیں لیٹ ہوتی ہیں؟ وفاقی وزیر ریلوے لاہور سے میاں چنوں سابق وزیر اعلیٰ پنجاب غلام حیدر وائیں کی برسی میں شرکت کے لئے جب خیبر میل کے ذریعے ساہیوال پہنچے تو ٹرین ساہیوال ریلوے سٹیشن پر 10منٹ پہلے پہنچ گئی۔ اس طرح ٹرین اوکاڑہ میں 14 منٹ اور پتوکی ریلوے سٹیشن پر 6منٹ پہلے پہنچی۔ وفاقی وزیر نے ساہیوال ریلوے سٹیشن پر ترقیاتی کاموں کا معائنہ بھی کیا۔
