اسلام آباد (جاوید صدیق) پاکستان اور روس کی بحریہ کے درمیان تعاون کی نئی راہیں کھلنے والی ہیں۔ نوائے وقت کو قابل اعتماد سفارتی ذرائع نے بتایا ہے کہ سال رواں میں روس کی بحریہ کے سربراہ پاکستان کا دورہ کریں گے جس کے دوران وہ پاک بحریہ کے سربراہ اور دوسرے دفاعی اداروں کے سربراہوں سے ملاقات کریں گے۔ روسی بحریہ کے سربراہ کے دورہ پاکستان کے نتیجہ میں پاکستان روس کی بحریہ کی ٹیکنالوجی سے استفادہ کر سکے گا۔