کارلو(سپورٹس ڈیسک+ نوائے وقت رپورٹ)  ورلڈ ٹیم سنوکرچیمپئن شپ میں پاکستان نے مسلسل تین کامیابی کے ساتھ ناک آوٹ مرحلے کے لیے کوالیفائی کرلیا۔ آئرلینڈ کے شہرکارلومیں کھیلے جانیوالے ایونٹ کے تیسرے روزپاکستان کے عالمی چیمپئن محمد آصف اورمحمد سجاد کی جوڑی نے پہلے میچ میں میزبان آئر لینڈ ڈینیل ڈیمپسی اور جیسن ڈیونی کوتین دو فریم سے ہرایا۔ پاکستانی کھلاڑیوں نے اپنے دوسرے میچ میں فن لینڈ کے جوہا لیتھو اور اکی سوتاری کوپانچ صفرسے آوٹ کلاس کیا۔ قومی ٹیم کل روایتی حریف بھارت سے مقابلہ کرے گی۔ پاکستان کے عالمی سنوکر چیمپئن محمد آصف نے 6 ریڈ بال ورلڈ چیمپئن شپ میں بھارت کے منن چندر کو شکست دیدی۔ آصف کی یہ مسلسل چوتھی فتح ہے۔ آصف نے بیسٹ آف سیون میں حریف کو 4-1 سے شکست دی۔