کارلو (نوائے وقت رپورٹ) پاکستان ورلڈ ٹیم سنوکر چیمپئن شپ کے سیمی فائنل میں پہنچ گیا۔ پاکستان نے کوارٹرفائنل میں بھارت کو 3-0 سے آوٹ کلاس کر دیا۔ محمد آصف اور محمد سجاد پر مشتمل ٹیم نے بھارت کے منن چندرا اور برجیش دھانی کو ہرایا۔ ورلڈ ٹیم سنوکر چیمپئن شپ میں پاکستانی ٹیم نے ایک دن میں دو فتوحات حاصل کیں۔ پاکستان نے پہلے پری کوارٹرفائنل میں پولینڈ اور پھر کوارٹرفائنل میں بھارت کو زیر کیا۔ پاکستان نے 6 ریڈبال سنوکر چیمپئن شپ میں کوارٹرفائنل میں جگہ بنا ئی تھی۔ پاکستانی ٹیم نے پولینڈ کی ٹیم کو 3-2 سے شکست دی۔