بیجنگ (سپورٹس ڈیسک )چین کے دارالحکومت بیجنگ میں کھیلے جانے والے چائنا اوپن ٹینس ٹورنامنٹ کے فائنل میں سربیا کے نوواک جوکووچ نے سپین کے رافیل نڈال کو ہرا کر ٹورنامنٹ جیت لیا۔ہر چند کہ نڈال ٹینس کی عالمی رینکنگ میں نوواک جوکووچ سے ان کی پہلی پوزیشن حاصل کرنے ہی والے ہیں لیکن فائنل میچ میں انہیں سٹریٹ سیٹس میں چھ چار اور چھ تین کے سکور سے شکست ہوئی۔واضح رہے کہ پیر کو جب ٹینس کی نئی عالمی درجہ بندی جاری ہوگی تو رافیل نڈال عالمی نمبر ایک بن جائیں گے۔ویمنز سنگلز میں امریکی سٹار سرینا ولیمز نے  ٹائٹل جیت لیا۔