لاہور ( سپورٹس رپورٹر ) این بی پی گولڈ کپ ہاکی ٹورنامنٹ کے تیسرے روز ایچ ای سی ، واپڈا اور آرمی نے حریف ٹیموں کو شکست سے دو چار کیا۔ نیشنل  ہاکی سٹیڈیم لاہور میں جاری چیمپئین شپ کے تیسرے روز کھیلے گئے پہلے میچ مین ایچ ای سی نے کسٹم کو ایک کے مقابلے میں دو گول سے ہرا دیا ، ایچ ای سی کی جانب سے راشد سردار اور اسدعزیزنے جبکہ کسٹم کی جانب سے واحد گول رضوان خان نے کیا ۔ دوسرے میچ میں واپڈا نے یکطرفہ مقابلے میں پی اے ایف کے خلاف دو کے مقابلے میں سات گول سے کامیابی حاصل کی ، واپڈا کی جانب سے اس نے دو ، وقاص شریف ، علیم بلال ، شہباز ، عمران اور جعفر نے ایک ایک گول کیا جبکہ پی اے ایف کی جانب سے مشتاق اور سعید شاہ نے ایک ایک گول کیا ۔ گزشتہ روز کھیلے گئے آخری میچ میں آرمی نے پورٹ قاسم کے خلاف میچ ایک کے مقابلے میں چار گول سے جیت لیا ، آرمی کی طرف سے سفیر حسین نے دو جبکہ حسین عارفی ، فراز نے ایک ایک گول کیا ۔ پورٹ قاسم کی جانب سے واحد گول جاوید مظہر نے کیا ۔ ٹورنامنٹ میں آج دو میچ کھیلے جائینگے ، پہلے میچ میں واپڈا ، نیوی کے جبکہ دوسرے میچ میں پولیس ، پورٹ قاسم کے مدمقابل ہو گی ۔