گجرات (نامہ نگار) اراضی تنازعہ پر دیور بھابی کو فائرنگ کرکے ابدی نیند سلا دیا گیا جبکہ دو بھائیوں کو زخمی کردیا۔ تھانہ بولانی کے علاقہ جگو کے رہائشی بنارس وغیرہ نے فائرنگ کرکے جمیل اور اسکی بھابی کلثوم بی بی کو قتل جبکہ دو بھائیوں اسماعیل، مہربان حسین کو زخمی کردیا۔نواحی گاﺅں لکھنوال سے پولیس تھانہ صدر جلالپور جٹاں کو نعش ملی ہے جسے نامعلوم افراد نے فائرنگ کرکے قتل کرنے کے بعد کھیتوں میں پھینک دیا تھا۔ پولیس کے مطابق 18 سالہ مقتول جیب سے احمد فرید اور ایک اور نام کی شناختی کارڈ کی کاپیاں ملی ہیں۔ علاوہ ازیں تھانہ ڈنگہ کے گاﺅں مہڑ میں بہن کو اس کے دوست روشن علی کے ہمراہ دیکھ کر بھائی نے گولیاں مار دیں اور فرار ہو گیا۔