لاہور (کامرس رپورٹر) پاکستان ہاکی ٹےم کے سابق کپتان اولمپئن وسیم احمد نے بین الاقوامی ہاکی سے ریٹائرمنٹ کا باقاعدہ اعلان کر دیا ہے۔ نیشنل ہاکی سٹیڈیم میں میڈیا سے گفتگو میں ان کا کہنا تھا کہ ان کی خواہش ہے کہ پی ایچ ایف ان کے اعزاز میں ایک نمائشی میچ کا انعقاد کروائے تاکہ ہاکی سے ریٹائر ہونے والے کھلاڑیوں کے لئے ایک اچھی روایت شروع ہو سکے۔ ڈومیسٹک سٹرکچر کو بہتر کئے بغیر پاکستان ہاکی کے اچھے دن واپس نہیں آ سکتے اس کے لئے پی ایچ ایف کو جامع پلاننگ کرنا ہوگی۔ کوچنگ کے ذریعے پاکستان ہاکی کی خدمت کرنا چاہتے ہیں۔