اسلام آباد(آئی این پی) وزیر اعظم میاں نواز شریف نے مسلم لیگ فنکشنل کے رہنما امتیاز شیخ کواپنا  معاون خصوصی  اور  سابق رکن  سندھ اسمبلی  امیر بخش بھٹو کو مشیر مقرر کر دیا۔ جمعرات کو سندھ سے تعلق رکھنے والی دونوں شخصیات کی  ذمہ داریوں کا باقاعدہ نوٹیفکیشن جاری کردیا گیا۔  امتیاز شیخ (ن) لیگ  کی حلیف جماعت  فنکشنل لیگ کے سیکرٹری جنرل  جبکہ  امیر بخش بھٹو  سندھ کے سابق وزیراعلیٰ  ممتاز علی بھٹو کے صاحبزادے ہیں اور وہ سندھ اسمبلی کے رکن بھی  رہے ہیں۔ (ن غ)