کراچی (ین این آئی + نوائے وقت رپورٹ) وزیر اعظم میاں محمد نوازشریف نے بعض ناگزیر وجوہات کی بنا پر اپنا دورہ آواران اور کراچی ملتوی کر دیا۔ وزیر اعظم کی زیر صدارت کراچی میں امن وامان سے متعلق اجلاس ہونا تھا۔ خواتین ارکان صوبائی اسمبلی پروین اختر مانیکا‘ عظمیٰ بخاری‘ سعدیہ ندیم نے وزیر اعظم محمد نواز شریف اور خاتون اول بیگم کلثوم نواز سے ملاقات کی اور ان سے باہمی دلچسپی کے امور پر تبادلہ خیال کیا۔