لاہور (سپیشل رپورٹر) پنجاب حکومت نے 6 افسران کے تبادلے و تقرری کے احکامات جاری کئے ہیں۔ میاں جاوید اسلام آر پی او فیصل آباد کو ٹرانسفر کرکے او ایس ڈی لگایا گیا ہے ان کو ایس اینڈ جی اے ڈی کو رپورٹ کرنے کے احکامات جاری کئے گئے ہیں۔ احمد اسحاق جہانگیر آر پی او بہاولپور کو ٹرانسفر کرکے آر پی او فیصل آباد لگا دیا گیا ڈی آئی جی انفارمیشن ٹیکنالوجی مہر خالق داد لک کو آر پی او بہاولپور تعینات کر دیا گیا۔ ڈی پی او سرگودھا ڈاکٹر حیدر اشرف کو سی پی او فیصل آباد لگایا گیا ہے۔ تقرری کے منتظر مقبول احمد لنگاہ کو خالی آسامی پر ایڈیشنل سیکرٹری محکمہ پبلک پراسیکیوشن اور علی حسین ملک او ایس ڈی کو ایڈیشنل سیکرٹری محکمہ خزانہ لگایا گیا ہے۔