سیالکوٹ میں 4 سالہ بچی، پھالیہ اور کراچی میں 2 لڑکیوں سے زیادتی
سیالکوٹ + پھالیہ + کراچی (نامہ نگاران+ نوائے وقت رپورٹ) سیالکوٹ میں بچی، پھالیہ اور کراچی میں 2 بچیوں سے زیادتی۔ سیالکوٹ کے ماڈل تھانہ کینٹ کے گاو¿ں طاہر جوئیاں کے محمد حسین عرف اقبال کی چار سالہ بیٹی شازیہ کھیلنے کیلئے گھر سے باہر نکلی تو گاو¿ں کے رحمان عرف بلو بچی کو ذوالفقار کے مونجی کے کھیت میں لے گیا اس سے زیادتی کر ڈالی۔ملزم کو گرفتار کر لیا ہے۔ موضع دھول رانجھا کی نسیم بی بی زوجہ محمد ولائت نے تھانہ پھالیہ پولیس کو بیان دیا اس کی جواں سال بیٹی عادلہ تبسم چھوٹی بہن سدرہ کو سکول سے لینے جا رہی تھی فخر اور جہانگیر میری بیٹی عادلہ تبسم کو زبر دستی پکڑ کر فخر کے بہنوئی عارف کے گھر لے گئے اور زیادتی کی ۔ علاوہ ازیں ایس پی کلفٹن کراچی سرفراز نے کہا ہے ڈیفنس فیرز ون میں 15 سالہ لڑکی سے زیادتی کی گئی۔ نامعلوم افراد لڑکی کو سڑک پر چھوڑ کرفرار ہوگئے۔ لڑکی بے ہوشی کی حالت میں ملی۔ لڑکی سخی حسن ناظم آباد کے کالج کی طالبہ ہے۔ لڑکی کو ہسپتال داخل کرا دیا گیا ہے۔
