گوجرانوالہ میں بارش کے باعث چھت گر گئی، ساس اور بہو جاں بحق
گوجرانوالہ (نمائندہ خصوصی)گوجرانوالہ میں ہلکی بارش کے باعث بوسیدہ مکان کی چھت گرنے سے ساس اور بہو جاں بحق ہو گئیں جبکہ دو خواتین زخمی ہو گئیں جن کو تشویشناک حالت میں ڈسٹرکٹ ہسپتال منتقل کر دیا گیا۔ فیروز والہ روڈ فقیر پورہ میں ہلکی بارش کے باعث محنت کش بشیر کے گھر کی بوسیدہ چھت اچانک گر گئی جس کے باعث کمرے میں بیٹھی بشیر کی والدہ رضیہ بی بی ، بیوی ساجدہ ، خورشید بی بی اورکزن رضیہ ملبے کے نیچے دب گئیں۔ ریسکیو اہلکاروں نے ملبے سے نکالا ۔ رضیہ بی بی موقع پر ہی جبکہ اسکی بہو ساجدہ ہسپتال پہنچ کر دم تو ڑ گئی جبکہ زخمی خواتین خورشید اور رضیہ کی حالت بھی تشویشناک ہے ۔
